سۋرەتتى تۇسىرگەن ابزال قابدىراش
بۇل باستاما وبلىستىق ءماسليحاتتىڭ دەپۋتاتتارىمەن, قوعامدىق كەڭەس جانە ەكولوگتارمەن بىرگە شەشىمىن تاپقان. داندى. نەگىزگى ماقسات -ءوڭىردىڭ ەكولوگيالىق جاعدايىن جاقسارتۋ. ەندى بيىلدان باستاپ قورشاعان ورتانى قورعاۋ جونىندە جوبالار قولعا الىنادى. وڭىردە شوعىرلانعان الىپ ءوندىرىس ورىندارى, ەلەكتر ستانسالارى, كومىر كەنىشتەرى, كوپتەگەن شاعىن زاۋىتتار, كاسىپورىندار جۇمىس جاساۋدا. كاسىپورىندار اۋانى تازارتاتىن ارنايى ەلەكترلى اۋا تازارتقىشتارىن ورناتۋ قاجەتىلىكىتەرى دە ۇنەمى ايتىلادى.
بولات باقاۋوۆتىڭ ايتۋىنشا, قورشاعان ورتا - وڭىرىمىزدەگى ماڭىزدى ماسەلە. تۇراقتى تۇردە ساراپتاما جۇرگىزۋ ماقساتىندا الەۋمەتتىك زەرتتەۋ جۇرگىزىلدى. كوپشىلىكتى ەكولوگيا ماسەلەسى تولعاندىرادى. ەندى وبلىس ورتالىعىنىڭ تۇرعىندارى اتموسفەرالىق اۋانىڭ قانداي ەكەندىگىن كۇندەلىكتى كورىپ بىلە الادى. ارنايى لەد-ەكراندار ق. ساتباەۆ-كريۆەنكو, ەستاي-كۋتۋزوۆ, ق. ساتباەۆ-تورايعىروۆ كوشەلەرى جانە تەمىر جول ۆوكزالىندا ورنالاسقان.
- ءبىز قالا سىرتىن, اۋلالاردى, جول بويىن جاسىلداندىرۋ جانە ولاردى ساقتاۋ بويىنشا ناقتى جوسپارلار قۇردىق. ەرتىس وزەنى جاعالاۋى دا وبلىس تۇرعىندارىنىڭ دەمالاتىن جەر. ءار ادام سوڭىنا قوقىس قالدىرماسا جانە قورشاعان ورتاعا بەي-جاي قاراماسا, وسىنىڭ ءوزى ەكولوگيانىڭ جاقسارۋىنا قوسقان ۇلكەن ۇلەس, - دەدى وبلىس اكىمى.
فاريدا بىقاي,
«ەگەمەن قازاقستان»
پاۆلودار
